Aktual mövzular: Dollar alış-satışı, Neftin qiyməti, COP29, Hava proqnozu

Bakıda yeni marşrut xətti təşkil edilib

Tarix: 30 Aprel 2021 14:06

Paytaxtın yeni salınan iki yaşayış massivini əlaqələndirən marşrut xətti təşkil edilib. Yeni 10 nömrəli marşrut xətti MİDA-Yasamal Yaşayış Kompleksi ilə Bakı "Ağ Şəhər" yaşayış sahəsini əlaqələndirəcək.

Bakı Nəqliyyat Agentliyindən Sonxeber.net-a verilən məlumata görə, yeni marşrut xəttinin təşkili barədə qərar çoxsaylı vətəndaş müraciətləri nəzərə alınaraq qəbul edilib.

Xətt üzrə sərnişindaşımalar "BakuBus" MMC-nin müasir və komfortlu iritutumlu avtobusları ilə yerinə yetiriləcək. Gediş haqqı 0.30 azn müəyyən edilib və nağdsız formada "BakıKart"-la ödəniləcək.

Yeni marşrut xəttinin təşkili sosial kompleksdə, eləcə də ətraf ərazilərdə yaşayan sakinlərin ictimai nəqliyyata olan tələbatını əhəmiyyətli dərəcədə yaxşılaşdıracaq. Əsas üstünlüklərdən biri bu xətt üzrə avtobuslar metronun "Xətai", Səməd Vurğun bağı ("28 May" m\s), "Sahil", "İçərişəhər", "Elmlər Akademiyası" stansiyalarından da keçməklə hərəkət etməsidir.

Whatsapp ilə göndər