Aktual mövzular: Dollar alış-satışı, Neftin qiyməti, COP29, Hava proqnozu

Bakıda motosiklet sürücülərindən təqdirəlayiq addım - VİDEO

Tarix: 15 May 2021 09:32

Bakıda bir neçə motosiklet sürücüsü ictimai nəqliyyatın işləmədiyi günlərdə sərnişinlərə təmənnasız xidmət göstərir.

Sonxeber.net xezerxeber.az-a istinadən bildirir ki, sürücülər deyir ki, bayram günlərində koronavirusla mübarizə məqsədi ilə avtobusların fəaliyyəti qadağan olduğundan vətəndaşların iş yerlərinə daha tez və rahat çatmaları üçün təşəbbüs göstərirlər. Onların sözlərinə görə, mayın 10-dan indiyə kimi 600-ə yaxın şəxsə bu yolla yardım ediblər. Göstərilən xidmətin qarşılğında isə ödəniş tələb olunmur.

Sürücülər bildirirlər ki, gün ərzində 100 kilometrdən çox məsafə qət edirlər.

Müraciət edənlər arasında əsasən Bakının kənd və qəsəbələrinə gedən sərnişinlər çoxluq təşkil edir. Bir motosikletin yanacağına isə gündəlik cəmi 6 manat xərcləri çıxır.

Təqdirəlayiq təşəbbüsü həyata keçirən motosiklet sürücüsü Rövşən Əliyev qeyd edib ki, qarşıdakı bayram günlərində də avtobusaların hərəkətinə məhdudiyyətlər qoyulsa, yenə təmannasız sərnişindaşıma ilə məşğul olacaqlar.

Mövzu ilə bağlı daha ətraflı videomaterialı təqdim edirik:

Whatsapp ilə göndər