İşğaldan azad edilən ərazilərdə əlavə su mənbələri yaradılacaq - VİDEO

Tarix: 4 Iyun 2021 14:18

Ölkədəki bütün torpaq kanallar betonlanacaq. Bu açıqlama Meliorasiya və Su Təsərrüfatı ASC-nin Suqovuşana təşkil etdiyi mediaturda verilib. Mediaturda Suqovuşan su anbarının potensialı və gələcək layihələr barədə də məlumat verilib. Daha ətraflı əməkdaşımız İbrahim Kamiloğlunun reportajında.

Ölkədəki bütün torpaq kanallar betonlanacaq.

Suqovuşana təşkil edilən mediaturda Meliorasiya və Su Təsərrüfatı ASC-nin sədr müavini Rafiq Aslanov deyib. Mediaturda Suqovuşan su anbarının potensialı və gələcək planlar barədə məlumat verilib. Qeyd edilib ki, 1976-cı ildə inşa edilən anbarın həcmi 5,86 milyon kubmetrdir

Yay dövrü olduğu və suya tələbat artdığı üçün anbarda və kompleksdə təmir işləri sürətləndirilib.

Təmir işləri 3 mərhələdə aparılacaq.

Bildirilib ki, işğaldan azad edilmiş Zəngilan, Qubadlı və Cəbrayıl rayonlarında əlavə su mənbələrinin yaradılması ilə bağlı qiymətləndirmə işləri aparılır. Kəlbəcər rayonunda da əlavə su mənbələri var ki, həmin ərazilərdə də suyun toplanması üçün tədbirlər görələcək.

Sonxeber.net xəbər verir ki,  Rafiq Aslanov "xəzər xəbər"ə ölkənin su təsərrüfatında görülən işlərdən də danışaraq vurğulayıb ki, bütün topaq kanallar betonlanacaq.

Mediatur çərçivəsində Tərtərdəki SCADA sistemi ilə qurulmuş subartezian quyusuna baxış da keçirilib. Bildirilib ki, hazırda Tərtərdə 47 bu cür quyu var və SCADA sistemi vasitəsilə həmin quyulara həm kamera ilə nəzarət edilir, həm də suyun açılıb-bağlanması idarə edilir.

Bundan sonra qazılacaq bütün subartezian quyularında SCADA sistemi quraşdırılacaq.