Zəfərimizdə payı olan igid - VİDEO

Tarix: 5 Iyul 2021 15:04

44 günlük müharibədə misilsiz igidlik nümunələri göstərən qəhrəmanlardan biri də Samir Hüseynovdur. O, peşəkar kəşfiyyatçı kimi düşməni görünmədən izləyir, lazımı məqamda isə qisasını alırdı. Şəhidimiz "Vətən uğrunda",   "Füzulinin, Cəbrayılın, Xocavəndin və Şuşanın  azad olunmasına görə" medallarına layiq görülüb. 

Sonxeber.net xezerxeber.az-a istinadən bildirir ki, ucqar dağ rayonun, ucqar kəndində başlayan və illərdir həsrətində olduğumuz Şuşa uğrunda gedən döyüşlərdə şəhidliklə bitən 26 il. Söhbət Samir Hüseynovdan gedir. 

1994-cü ildə Lerikin Vov kəndində doğulan igidimiz qeyri-adi bacarığı ilə hərbi xidmətdə seçilirdi. O, 2013-cü ilin yanvarında hərbi xidmətə yollanıb. Hərbi xidmətini başa vurduqdan 3 il sonra yenidən vətənin müdafiəsinə qayıdır. Müddətdən artıq hərbi qulluqçu, Xüsusi Təyinatlı Kəşfiyyatçı kimi xidmət aparır.

Mühribənin ilk günündən döyüşə atılan Samir peşəkar kəşfiyyatçı kimi düşməni görünmədən izləyir, lazımı məqamda isə qisasını alırdı. Zəngilan, Füzuli, Qubadlı, Xocavənd, Cəbrayıl uğrunda gedən şiddətli döyüşlərdə iştirak edən igidimizin son döyüşü Xocavənd istiqamətində olur. 

Getdiyi bütün yerlərdə "Talış balası" yazdığından dostları tərəfindəndən elə bu ləqəblə çağrılan Samir noyabrın 8-də Şuşanın  azad olunmağını görsə də, qələbəmizin elan olunmasına 13-14 saat qalmış düşmənin atdığı top mərmisinin qəlpəsindən yarlanaraq  həlak olur. Şəhidimiz ölümündən sonra "Vətən uğrunda"   "Füzulinin, Cəbrayılın, Xoçavəndin və Şuşanın  azad olunmasına görə" medallarına layiq görülüb.