Aktual mövzular: Dollar alış-satışı, Neftin qiyməti, COP29, Hava proqnozu

“Qalatasaray” da mübarizəni dayandırdı - ÇL

“Qalatasaray” da mübarizəni dayandırdı - ÇL

Tarix: 29 Iyul 2021 09:54

Türkiyənin "Qalatasaray" klubu Çempionlar Liqası ilə vidalaşıb.

Sonxeber.net modern.az-a istinadən xəbər verir ki, İstanbul təmsilçisi qitənin ən nüfuzlu turnirindəki çıxışını başladığı II təsnifat mərhələsində dayandırıb.

"Sarı-qırmızılar" bir həftə əvvəl Niderlandda 1:5 hesabı ilə uduzduğu PSV ilə ev oyununda da uğursuzluğa üzülüb. Eyndhoven təmsilçisi hər hissədə bir qol vuraraq meydandan qələbə ilə ayrılıb.

Fasiləyə 8 dəqiqə qalmış Noni Madueke, 59-cu dəqiqədə isə Marko van Ginkel fərqlənib. Türkiyəlilər yalnız Mbaye Diaqnenin 84-cü dəqiqədəki qolu ilə fərqi azaldıb - 1:2.

Hər iki görüşdə uduzan "Qalatasaray" isə yoluna Avropa Liqasında davam edəcək. İstanbullular qitənin ikinci dərəcəli klub turnirinin III təsnifat mərhələsində mübarizə aparacaq. Onların rəqibi Şotlandiya təmsilçisi "Sent Conston" olacaq. "Qalatasaray" avqustun 5-dəki ilk oyunu evdə, bir həftə sonrakı cavab görüşünü səfərdə keçirəcək.

Qeyd edək ki, Şotlandiya klubu avrokubok mövsümünə məhz Avropa Liqasının III təsnifat mərhələsindən başlayacaq.


Etiketlər:  Qalatasaray mübarizəni dayandırdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ