Aktual mövzular: Dollar alış-satışı, Neftin qiyməti, COP29, Hava proqnozu

“Əfqanıstan xalqı bizimlə olmaq istəyir” - “Taliban”

Tarix: 13 Avqust 2021 11:22

Əfqanıstanın bir sıra iri şəhərlərinin qısa zamanda "Taliban"ın nəzarətinə keçməsi hərəkatın ölkə xalqı arasında dəstəklənməsindən xəbər verir.

Sonxeber.net qafqazinfo-ya istinadən xəbər verir ki, bu barədə hərəkatın siyasi ofisinin nümayəndəsi Məhəmməd Naim "Al Jazeera" telekanalının efirində bildirib.

Onun sözlərinə görə, əfqan əyalətləri könüllü olaraq taliblərin hakimiyyətini qəbul edirlər, heç bir güc tətbiqi yoxdur.

"Əfqanıstan xalqı bizimlə olmaq istəyir və bizi alqışlayır, ölkənin böyük şəhərlərinin sürətlə təslim olması buna sübutdur", - Naim deyib.

Taliblərin siyasi ofisinin spikeri qeyd edib ki, hərəkat hakimiyyətə gələndən sonra bütün ölkələrlə balanslaşdırılmış münasibətlər yaratmaq niyyətindədir, "Taliban"ın qonşu ölkələrlə problemləri yoxdur.

"Biz siyasi yol üçün qapını bağlamayacağıq. Biz Dohada keçirilən görüşdə siyasi baxışımızı təqdim etdik", - o əlavə edib.

Whatsapp ilə göndər