Aktual mövzular: Dollar alış-satışı, Neftin qiyməti, COP29, Hava proqnozu

Qəbul imtahanlarının Azərbaycan birincisi Bakı Ali Neft Məktəbini seçib - FOTO

Tarix: 8 Sentyabr 2021 11:18

Dövlət İmtahan Mərkəzinin (DİM) 2021-2022-ci tədris ili üzrə keçirdiyi qəbul imtahanında ən yüksək bal toplayan tələbə - Əbil Şəfiyev 697.1 balla Azərbaycan birincisi olub.

O, I ixtisas qrupu üzrə imtahanda ən yüksək nəticə göstərib və Bakı Ali Neft Məktəbinin (BANM) tələbəsi adını qazanıb. Əbil Şəfiyev Ali Məktəbin Kimya mühəndisliyi ixtisasına qəbul olub.

Qeyd edək ki, Əbil Şəfiyev 2004-cü il, mart ayının 29-da Sumqayıt şəhərində anadan olub. Ailəsi 1993-cü ildə Qubadlı rayonunun Xanlıq kəndindən məcburi köçkün kimi Sumqayıt şəhərində məskunlaşıb. Əbil Şəfiyev Sumqayıt şəhər 11 nömrəli tam orta məktəbdə 1-ci sinfə gedib və həmin məktəbdən Fərqlənmə attestatı ilə məzun olub.