Aktual mövzular: Dollar alış-satışı, Neftin qiyməti, COP29, Hava proqnozu

Dərmanı çay, süd, meyvə suyu ilə qəbul etmək olmaz - Təbib rəsmisi

Dərmanı çay, süd, meyvə suyu ilə qəbul etmək olmaz - Təbib rəsmisi

Tarix: 30 Oktyabr 2021 21:36

"Dərman vasitələrini düzgün dozada, istifadə təlimatına uyğun istifadə etmək vacibdir".

Bunu TƏBİB-in Dərman və tibb vasitələri departamentinin rəhbəri Elmin Quliyev "Dərman təhlükəsizliyi və farmakonəzarət" mövzusunda çıxışında bildirib.

E. Quliyev deyib ki, dərman qəbulu zamanı yaşanan əlavə təsirləri bildirmək lazımdır: "Bu halda istər tibb işçiləri, istər pasiyentlərin özləri tərəfindən bu əlavə təsirlərin qarşısı zamanında alınır".

TƏBİB-in departament rəhbəri qeyd edib ki, ağızla qəbul edilən dərman vasitələri su ilə qəbul edilməlidir: "Çox soyuq, ya da çox isti su ilə dərman qəbul etmək düzgün deyil. Belə dərmanları otaq temperaturunda bol su ilə qəbul etmək lazımdır. Dərmanları meyvə şirələri ilə qəbul etmək olmaz, çünki reaksiyaya girə bilərlər. Bəzi insanlar dərmanları çay və ya südlə qəbul edirlər, bu da arzuedilməzdir. Süd ilə antibiotik vasitələri qəbul etmək olmaz. Spirtli içkilərlə dərman vasitələrini qəbul etmək ümumiyyətlə, yolverilməzdir, ciddi təhlükə yaradır".

E. Quliyev nəzərə çatdırıb ki, dərmanın susuz qəbul edilməsi də düzgün deyil:

"Çünki su ilə dərman daha yaxşı sovrulur".


Etiketlər:  Dərmanı çay süd meyvə suyu ilə qəbul etmək olmaz Təbib rəsmisi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ