Aktual mövzular: Dollar alış-satışı, Neftin qiyməti, COP29, Hava proqnozu

Ağabala dubl etməsinə belə reaksiya verdi

Tarix: 25 Avqust 2019 13:32

“Səbail”in hücumçusu Ağabala Ramazanov Premyer Liqada dünən səfərdə “Sumqayıt”a qalib gəldikləri oyunu (3:0) şərh edib.

Qol.az xəbər verir ki, matçdan sonra o, jurnalistlərə açıqlamasında ardıcıl qazandıqları iki qələbənin onlar üçün vacib olduğunu söyləyib. Matçda dubl etməsi haqda suala Ağabala belə cavab verib: “Qol vurmağım fərdi göstəricidir. Ancaq ümumi komandanı götürəndə kimin qol vurmağı önəmli deyil. Dubla imza atmışam, sevinirəm. Komandamızı qələbə münasibətilə təbrik edirəm".

Ramazanov “Sumqayıt”la matçda bəxtlərinin gətirməsi fikrini qəbul ermir "Sumqayıt" zəif deyil, bu gün də onu sübuta yetirdi. İlk 20-25 dəqiqədə üstün futbol oynadı. Bu oyun "Sumqayıt"ın gələcəkdə yaxşı olacağı ilə bağlı ümidlərin doğruluğunu göstərdi".

O, baş hakim Vüqar Həsənlinin qərarlarını şərh etmək istəməyib: "Bu, hakimin qərarlarıdır. Heç nə deyə bilmərəm. Qərar verər, ya verməz, bu, onun səlahiyyətində olan məsələdir. Hakimlik haqda danışmaq mənim payıma düşmür".

Ağabala millidən dəvət gözlədiyini də deyib: "Dəvət gözləyirəm. Çətin qarşılşamalar olacaq. Millidə heç bir matçımız asan olmur".

Whatsapp ilə göndər