Allergiya yoxsa soyuqdəymə? Necə ayırd edək?

Tarix: 11 Dekabr 2021 08:33

Yazın gəlişi ilə bir çox insanlarda allergiyanın əlamətləri meydana çıxır - zökəm, asqırma, öskürək, qözlərin, burunun qaşınması və s.

Bəzən insanlar allergiyanın əlamətlərini soyuqdəymə kimi qiymətləndirərək lazım olmayan və effektsiz müalicələrə əl atır.

Əslində allergiyanı soyuqdəymədən ayırd etmək kifayət qədər asandır.

1. Saglamolun.az bildirir ki, soyuqdəymə zamanı insanda hərarət qalxır, allergiya zamanı isə yox.

2. Soyuqdəymənin əlamətləri bütün gün ərzində özünü göstərir, allergiya zamanı isə simptomlar çölə çıxanda və çöldən evə qayıdandan sonra daha da kəskinləşir.

3. Soyuqdəymə zamanı öskürək nəm olur, allergiya zamanı isə əksinə quru.

4. Allergiya zamanı boğazda güclü qaşınma hiss olur, soyuqdəymə zamanı yox.

5. Soyuqdəymə zamanı intoksikasiya əlamətləri meydana çıxır: ümumi zəiflik, iştahasızlıq, ürəkbulanması, tərləmənin artması, əzələlərdə və oynaqlarda ağrılar və s. Allergiya zamanı belə simptomlar olmur.

6. Allergiyadan əziyyət çəkən insanın üzü yuxulu görünür, ağzı, demək olar, daim yarıaçıq qalır, gözlərin altında tünd kölgələr əmələ gəlir.

7. Allergiya zamanı insanın burnundan çoxlu duru şəffaf selik axır. Soyuqdəymə zamanı selik daha qatı olur, sarı və ya yaşılımtıl rəngdə olur.

8. Allergiya zamanı gözlər qızarır, güclü qaşınır. Soyuqdəyməyə bu simptom xas deyil.