''Məni camaatın gözü önündə döydü''

Tarix: 29 Dekabr 2021 16:15

Aktyor Uraz Kayqılaroğlu baş rolunu canlandırdığı "Üç kuruş" serialının çəkiliş meydanında yaşadığı gərginliyə aydınlıq gətirib. 

Sonxeber.net axşam.az-a istinadən xəbər verir ki, sözügedən ekran işinin aktyorları ötən gecə məkanların birindən çıxarkən görüntülənib. Çəkiliş meydançasında dava etməsi iddiaları ilə gündəmə gələn Uraz mövzu ilə bağlı danışıb.

"Sinan qardaş (red. - rejissor Sinan Öztürk) məni camaatın gözü qarşısında döydü. Onların arxasında "Çukur" komandasından güclü izdiham var, amma söhbət şirinliklə bağlandı. Mən də döyülməyimlə bağlı həkimdən arayış almadım" - deyə, Uraz şayiələrə zarafatla qarşılıq verib.

Gecədə birlikdə əylənən çəkiliş heyəti arasında azərbaycanlı aktrisa Nəsrin Cavadzadənin olmaması diqqətdən yayınmayıb.

Qeyd edək ki, U.Kayqılaroğlu ekran işində "Kartal" obrazını canlandırır.