Aktual mövzular: Dollar alış-satışı, Neftin qiyməti, COP29, Hava proqnozu

''Qəbələ''dən baş məşqçi istefası ilə bağlı - Açıqlama

Tarix: 31 Avqust 2019 22:12

"Qəbələ" rəhbərliyi baş məşqçisi Sənan Qurbanovun istefasını qəbul edib.

Qol.az xəbərinə görə, bu barədə klubun rəsmi saytı məlumat yayıb. 39 yaşlı mütəxəssisə fəaliyyətinə görə təşəkkür edilib, ona gələcək karyerasında uğurlar arzulanıb.

S.Qurbanov Azərbaycan Premyer Liqasının 3-cü turunda evdə "Keşlə"yə 0:4 hesablı məğlubiyyətdən sonra istefa verdiyini açıqlamışdı.

Qeyd edə ki, 2012-ci ildə “Qəbələ”nin köməkçi məşqçisi təyin olunan Qurbanov 2018-ci ilin yayından baş məşqçi kimi çalışırdı. Öncə də komandanı baş məşqçi əvəzi kimi 3 matça çıxaran mütəxəssis ümumilikdə 43 oyunda bu vəzifəni yerinə yetirib.

"Qırmızı-qaralar" onun rəhbərliyi altında 15 qələbə qazanıb, 11 heç-heçə edib və 17 dəfə uduzub. “Qəbələ” Qurbanovun rəhbərliyi altında Azərbaycan Kubokunun 2018/2019-cu illər mövsümünün qalibi olub.

Whatsapp ilə göndər