Aktual mövzular: Dollar alış-satışı, Neftin qiyməti, COP29, Hava proqnozu

Kiyevdən Azərbaycan vətəndaşları üçün qatar reysi planlaşdırılıb

Tarix: 1 Mart 2022 22:39

2 mart 2022-ci il tarixində saat 12:00-da Kiyevin dəmiryol vağzalından Mogilyov-Podolsk şəhərinə qatar yola düşəcək.

"Qafqazinfo" xəbər verir ki, bu barədə Azərbaycanın Ukraynadakı Səfirliyi məlumat yayıb.

Bildirilib ki, qatar Ukraynadakı vəziyyətlə bağlı ciddi təhlükə ilə üzləşmiş Azərbaycan vətəndaşları üçün planlaşdırılıb. Qatara minik biletsizdir, canlı növbə əsasında həyata keçiriləcək.

Dəmir yolu vağzalının ünvanı Vokzalna Ploşad 1-dir.

Fövqəladə vəziyyəti nəzərə alaraq, qatarın yola düşmə vaxtından 1,5-2 saat öncə vağzalda olmaq, ən ciddi ehtiyac olan şəxsi əşya götürmək tövsiyə olunur.

Son məntəqəyə çatdıqdan sonra vətəndaşların Ukrayna-Moldova sərhədini keçmələri gözlənilir. Vətəndaşlarımızın Moldova ərazisində yarana biləcək məsələləri ilə bağlı Azərbaycanın Moldovadakı Səfirliyi ilə əlaqə saxlamaq olar:

+373 781 81 361
+373 789 91 849
+373 222 32 277

Whatsapp ilə göndər