Oğlunun ölüm səbəbini ilk dəfə açıqladı

Tarix: 4 Mart 2022 10:20

Əməkdar artist Rəhman Rəhmanov ilk dəfə oğlunun  ölüm səbəbini açıqlayıb.

Sonxeber.net olay-a istinadən xəbər verir ki, o, bu barədə "Bizimləsən" proqramında danışıb. Sənətçi deyib ki, oğlu öləndə yeni ailə qurubmuş:

"Mənim  bir xanımım var. Qanunla 28 il bundan əvvəl birinci xanımımdan ayrılmışıq. İlk evliliyimdən üç uşağım var.  Dörd idi, biri 27 yaşında dünyasını dəyişdi. O, faciəvi şəkildə vəfat etdi. İkinci mərtəbədən yıxıldı.  Yerdə bir daş başına girdi, şah damarını kəsdi. Yeni ailə qurmuşdu, hələ övladı yox idi. Yaxşı da toy etmişdim. 18 il əvvəl vəfat etdi. Bu müddət ərzində bildim ki, bala dərdi nə deməkdir. Onun xanımı mənim qızım sayılır. Ondan sonra biz dəfələrlə dedik ki, ailə qur. Evlənmədi".