Aktual mövzular: Dollar alış-satışı, Neftin qiyməti, COP29, Hava proqnozu

ABŞ Ukraynaya ''Stinger'' və dron göndərdi

ABŞ Ukraynaya ''Stinger'' və dron göndərdi

Tarix: 23 Mart 2022 19:12

ABŞ-ın Ukraynaya ayırdığı 800 milyon dollarlıq hərbi yardımın ilk partiyalarının çatdırılmasına başlanılıb.

Milli.Az APA-ya istinadən xəbər verir ki, bu barədə CNN-ə ABŞ Prezidentinin administrasiyasından olan rəsmi bildirib. Qeyd olunub ki, hərbi yardımın yerdə qalan hissəsinin də mümkün qədər tez bir vaxtda Ukraynaya çatdırılması istiqamətində işlər davam etdiriləcək.

Hərbi yardıma 800 "Stinger" hava hücumundan müdafiə sisteminin, 100 silahlı dronun, eləcə də Ukraynanın müdafiəsi üçün zəruri olan digər vasitələrin daxil olduğu bildirilib.

Əlavə olunub ki, Prezident Co Baydenin martın 12-də elan etdiyi 200 milyon dollarlıq yardım paketinin də çatdırılması demək olar ki, tamamlanıb. Həmin paketə də "Stinger" və "Javelin" sistemləri daxil olub.

"Yerdə qalan döyüş vasitələrinin də qısa müddətdə çatdırılacaq", - deyə adı açıqlanmayan rəsmi qeyd edib.

Qeyd edək ki, bir neçə gün əvvəl ABŞ Prezidenti Co Bayden Ukraynaya əlavə 800 milyon dollarlıq hərbi yardım ayırıldığını açıqlayıb.

Milli.Az


Etiketlər:  ABŞ Ukraynaya Stinger dron göndərdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ