Aktual mövzular: Dollar alış-satışı, Neftin qiyməti, COP29, Hava proqnozu

“Bu, strateji axmaqlıqdır” - Zelenski

Tarix: 19 Aprel 2022 07:15

"Rusiya ordusu Ukraynaya qarşı raketlərdən istifadə sürətini azaltmır. Baxmayaraq ki, Rusiya artıq başa düşməli idi ki, hətta mövcud sanksiyalar şəraitində raket ehtiyatını bərpa etmək onun üçün çətin olacaq".

Sonxeber.net "qafqazinfo"-ya istinadən xəbər verir ki, bunu Ukrayna Prezidenti Volodimir Zelenski xalqa videomüraciətində bildirib.

Zelenski qeyd edib ki, daha da sərt sanksiyalar tətbiq edildikdə, Rusiyanın raket potensialının bərpası qeyri-real olacaq. O, Rusiyanın raket zərbələrini strateji mənasızlıq adlandırıb. Ukrayna Prezidenti əlavə edib ki, bunun nəticəsi raketin özünü demilitarizasiyasına gətirib çıxarır:

"Sanksiyalar çərçivəsində yeni artilleriya, təyyarələr, helikopterlər, kreyserlər istehsal etmək Rusiya üçün böyük vəzifə olacaq. Raket zərbələrinin heç biri Rusiya üçün vəziyyəti kökündən dəyişməyib. Əgər onların hamısını birlikdə qiymətləndirsək, nəticə belə olacaq - bu, belədir - strateji axmaqlıqdır".

Whatsapp ilə göndər