Aktual mövzular: Dollar alış-satışı, Neftin qiyməti, COP29, Hava proqnozu

Mahir Zaqreb derbisində oynaya bilər - FOTO

Tarix: 29 Aprel 2022 18:32

Zaqreb "Dinamo"sunda çıxış edən millimizin üzvü Mahir Emreli Xorvatiya çempionatının 33-cü turunda keçiriləcək "Lokomotiva" ilə matçda oynaya bilər.

Sonxeber.net bizim.media-ya istinadən xəbər verir ki, 24 yaşlı hücumçunun şəkli klubun bu oyun üçün hazırladığı posterdə yer alıb. Həmin posteri klub sosial şəbəkə hesablarında paylaşıb.

Çiynindən zədələnən və Kiyev "Dinamo"su ilə xeyriyyə görüşünü buraxan Mahirin bu gün məşqlərə qayıdacağı gözlənilir. Əgər o, matçı günü çiynində ağrı hiss etməsə, böyük ehtimalla "Lokomotiva"ya qarşı oynayacaq.

Qeyd edək ki, mayın 1-i keçiriləcək Zaqreb derbisi Bakı vaxt ilə saat 21:05-də başlayacaq.