Fransada meşə yanğınları: 31 mindən çox insan təxliyə olunub - FOTO

Tarix: 19 Iyul 2022 08:40

Fransada meşə yanğını səbəbindən təxliyə edilənlərin sayı 31100 nəfərə yüksəlib.

Sonxeber.net APA-ya istinadən xəbər verir ki, 15 regionda yanğınla əlaqədar qırmızı - fövqəladə təhlükə səviyyəsi elan olunub.

Yanğının yayılması ilə əlaqədar Arakaşon şəhərindəki Zooparkda bütün heyvanların təxliyə ediləcəyi açıqlanıb.

Fransanın cənub-qərbindəki Jirondada 7 gündür davam edən yanğınla əlaqədar daha 14900 insan təxliyə edilib.

Havanın temperaturunun 44 dərəcəyə çatdığı bölgədə qurudan və havadan yanğınsöndürmə işləri davam edir.

Hadisə yerində 1700 yanğınsöndürən alovla mübarizə aparır.