Aktual mövzular: Dollar alış-satışı, Neftin qiyməti, COP29, Hava proqnozu

Səhranın ortasında 500 milyarda başa gələcək şəhərin FOTOları

Tarix: 1 Avqust 2022 02:22

Səudiyyə Ərəbistanının vəliəhd şahzadəsi Məhəmməd Bin Salmanın 2017-ci ildə elan etdiyi meqa şaquli şəhər layihəsindən ilk görüntülər yayımlanıb.

Sonxeber.net axşam.az-a istinadən bildirir ki, layihənin ümumilikdə 500 milyard dollara başa gəlməsi hesablanıb. Şəhərin 9 milyon insana ev sahibliyi etməsi və tamamilə bərpa olunan enerjidən istifadə olunması planlaşdırılır.

Səhranın ortasında tikiləcək şəhərin adı isə "Line"dır. Şəhərin eni 200 metrə, uzunluğu 170 km-ə çatacaq. Dəniz səviyyəsindən 500 metr yüksəklikdə inşa ediləcək. Burada avtomobillərin hərəkətinə imkan verilməyəcək, nəqliyyat vasitəsi kimi sürət qatarından istifadə olunacaq.

Tikinti işləri davam edən layihənin 2030-cu ilə qədər şəhərdə 1,5 milyon insanı yaşamaq imkanı ilə təmin edəcəyi deyilir.