Əhalinin NƏZƏRİNƏ: Bu gün Bakının iki rayonunda qaz olmayacaq

Tarix: 8 Sentyabr 2022 09:38

Bu gün Nizami və Xətai rayonlarının qaz təchizatında müvəqqəti fasilə yaranacaq.

Bu barədə Sonxeber.net-a "Azəriqaz" İB-dən məlumat verilib. 

Bildirilib ki, "Qaz İxrac" İdarəsinə məxsus "Böyük Şor yol qovşağı-Modul ES-30-cu Sahə QPS" Magistral Qaz Kəmərinin dayaqlar üzərinə qaldırılması, "30-cu Sahə" QPS-də əlaqələndiricinin və əymənin quraşdırılması ilə bağlı saat 08:00-dan etibarən işlər başlayıb.

Görülən işlər başa çatanadək "30-cu sahə", "Xətai", "Keşlə" və "Əhmədli" QPS-lərdən, magistral qaz kəmərindən qidalanan "Bakı-ES-MMC", "Azərneftyağ" (5/6sex)", "SOCARYDM-13", "SOCARYDM-21" və "Körpü Tunel MMC" ölçü qovşaqlarından qaz təchizatının dayandırılması planlaşdırılıb. 

Təmir işləri aparılan müddətdə Xətai rayonunun böyük hissəsinin, Nizami rayonunun bir hissəsinin qaz təchizatında müvəqqəti fasilə yaranıb.