Aktual mövzular: Dollar alış-satışı, Neftin qiyməti, COP29, Hava proqnozu

Bəzi avtomobillərin kreditlə satışı qaydası dəyişir - VİDEO

Tarix: 26 Sentyabr 2022 17:50

Ölkəmizdə elektromobillər və hibrid avtomobillərin kreditlə satışı qaydası dəyişir. Mərkəzi Bankın təsdiq etdiyi qaydalar oktyabrın 1-dən qüvvəyə minəcək.

Sonxeber.net Xəzər Xəbər-ə istinadən xəbər verir ki, kreditlə istehsal tarixi 3 ildən az olan elektromobil almaq istəyənlər onun dəyərinin 10%-i qədər ilkin ödəniş edəcək.

İstehsal tarixi 3 ildən çox olan elektromobillərin kreditləşdirilməsi üçün isə ilkin ödəniş tələbi 40% olacaq. Hibrid mühərrikli avtomobillər üzrə kreditin rəsmiləşdirilməsi üçün istehsal tarixi 1 il və yaxud ondan az olduqda ilkin ödəniş 20%, 1-3 il olduqda 40%, 3 ildən çox olduqda isə 50% təşkil edəcək.

İqtisaçdı Xalid Kərimli hesab edir ki, yeni qərar bu növ avtomobillərin alışını asanlaşdıracaq.

Ekspertin sözlərinə görə, dəyişkilik ekoloji təmiz nəqliyyat vasitələrinə keçidi sürətləndirməyə hesablanıb. Xalid Kərimli yeni qərarın qiymətlərə təsir edib-etməyəcəyinə aydınlıq gətirib.

O əlavə edib ki, dəyişiklik ölkəyə köhnə avtomobillərin gətirilməsinin qarşısını almağa da yardımçı ola bilər.

Xezerxeber.az mövzu ilə bağlı daha ətraflı videomaterialı təqdim edir:

Whatsapp ilə göndər