Aktual mövzular: Dollar alış-satışı, Məzənnə, Neftin qiyməti

Sumqayıtda şirkət rəhbərini qumbara ilə partlatmaq istəyən şəxsə 14,6 il həbs verildi

Sumqayıtda şirkət rəhbərini qumbara ilə partlatmaq istəyən şəxsə 14,6 il həbs verildi

Tarix: 4 Oktyabr 2019 16:39

Bakı. Samir Əli - Trend:

Bakı Ağır Cinayətlər Məhkəməsində qumbara ilə qəsdən adam öldürməyə cəhddə təqsirləndirilən Şirin Astanovun cinayət işi üzrə məhkəmə prosesi başa çatıb.

Trend-in məlumatına görə, hakim Cavid Hüseynovun sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə Ş.Astanov 14 il 6 ay müddətinə azadlıqdan məhrum edilib.

İttihama görə, bu ilin mart ayında Sumqayıtda yerləşən "Azkompozit” MMC şirkətində Ş.Astanov şirkətin direktoru Rəsul Baxşəliyevin kabinetinə gələrək əvvəlki işinə - idarənin təsərrüfat işləri üzrə müdiri vəzifəsinə bərpa olunmasını tələb edib. Ş.Astanov özü ilə gətirdiyi qumbaranın qoruyucusunu çıxarıb direktorun otağına ataraq partlatmağa çalışıb. Amma qumbarada olan texniki nasazlıq səbəbi ilə partlayış baş verməyib.

Ş.Astanova Cinayət Məcəlləsinin 29, 120.2.4-cü (xüsusi amansızlıqla adam öldürməyə cəhd) maddəsi ilə ittiham verilib.


Etiketlər:  Sumqayıtda şirkət rəhbərini qumbara ilə partlatmaq istəyən şəxsə 146 il həbs verildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ