Aktual mövzular: Dollar alış-satışı, Məzənnə, Neftin qiyməti

İcra başçısının bu fotosu müzakirələrə səbəb oldu - FOTO

Tarix: 20 Noyabr 2022 20:06

Cəlilabad Rayon İcra Hakimiyyətinin başçısı Rafiq Cəlilov Təklə-Abazallı, Təklə-Şorbaçı-Mədətli-Novruzallı-Şötüklü-Bayxanlı-Məlikqasımlı, Şötüklü-Dostallı-Məşədilər-Məmmədrzalı-Şorbaçı marşrutu üzrə kəndlərarası avtomobil yolunda olmuş, görülən işlərin keyfiyyəti ilə maraqlanıb.

Şəhərdə piyadaların rahat və təhlükəsiz gediş-gəlişinin təmin olunması üçün piyada səkiləri yenidən qurulur və piyada səkiləri olmayan küçələrdə isə yeni piyada səkiləri inşa edilir. Rafiq Cəlilov Cəlilabad şəhəri Heydər Əliyev prospektində yeni salınan piyada səkilərində görülən işlərin keyfiyyəti ilə maraqlanmış, tikinti işləri ilə bağlı aidiyyəti təşkilatların rəhbərlərinə müvafiq tövsiyə və tapşırıqlarını verib.

R.Cəlilovun fotoları sosial şəbəkələrdə müzakirələrə səbəb olub. Bildirilib ki, icra başçısının asfalt örtüyünə diqqətlə baxmasının səbəbi örtüyün qalınlığına görədir.

Milli.Az