Aktual mövzular: Dollar alış-satışı, Məzənnə, Neftin qiyməti

Rusiyanın hərbi təyyarəsi Tehran hava limanına şübhəli eniş edib

Rusiyanın hərbi təyyarəsi Tehran hava limanına şübhəli eniş edib

Tarix: 5 Dekabr 2022 12:44

Məlumatlı mənbələrin dekabrın 4-də bazar günü gecə verdiyi xəbərə görə, Rusiyanın Hərbi Hava Qüvvələrinə məxsus Tupolev təyyarəsinin dekabrın 3-ü, şənbə günü səhər Tehranın Mehrabad hava limanına eniş edib.

Milli.Az xəbər verir ki, Tupolev (TU-154M) təyyarəsinin (RFF7971 nömrəli) İranda xalq etirazlarını yatırmaq üçün avadanlıq daşıdığı və içərisində bir sıra rusiyalı hərbi məsləhətçilərin olduğu bildirilir. Sözügedən təyyarə gecə boşaldılıb və bazar günü, dekabrın 4-ü axşam saatlarında Tehrandan Moskvaya yola düşüb.

Etirazları dağıtmaq vasitələrinə motosikletlər, iğtişaşlara qarşı geyim və dəbilqələr, naqilsiz rabitə, qalxanlar, elektrik şokedici, "peyntbol" silahları, saçma güllələr və müxtəlif gözyaşardıcı qazlar daxildir.

Təyyarənin dayanması və boşaldılması zamanı hava limanının ərazisi tamamilə mühafizə altına alınıb və orada yalnız SEPAH qüvvələri və bir neçə yüksək rütbəli polis əməkdaşı olub.

Milli.Az


Etiketlər:  Rusiyanın hərbi təyyarəsi Tehran hava limanına şübhəli eniş edib


RƏYLƏR



Populyar Xəbərlər

XƏBƏR LENTİ