Aktual mövzular: Dollar alış-satışı, Neftin qiyməti, COP29, Hava proqnozu

Lavrovun açıqlamasında “sevinməli” nə var?

Lavrovun açıqlamasında “sevinməli” nə var?

Tarix: 3 Fevral 2023 22:24

Rusiya xarici işlər naziri Sergey Lavrovun Ermənistan-Azərbaycan münaqişəsi mövzusuna bu yaxınlarda verdiyi şərhlə bağlı bəzi "politoloqlarımızın" sevincini, həqiqətən də, başa düşə bilmirəm.

Milli.Az axar.az-a istinadən bildirir ki, bu sözləri sabiq xarici işlər naziri, politoloq Tofiq Zülfüqarov Lavrovun Ermənistanın Azərbaycanın 7 rayonunu işğal etməsi və Azərbaycanın öz ərazilərini qaytardığı haqda son açıqlaması ətrafında şərhlərə reaksiyasında deyib.

"Rusiyanın xarici işlər nazirini diqqətlə dinləsəniz, aydın olur ki, o, ilk dəfə olaraq Ermənistanın "qondarma Dağlıq Qarabağ Respublikası" ətrafındakı 7 inzibati rayonu işğal etməsi faktını rəsmən tanıyıb.

Sual yaranır ki, məgər "qondarma Dağlıq Qarabağ Respublikası"nın ərazisi Ermənistan Respublikasının silahlı qüvvələri tərəfindən işğal olunmayıb?

Bəs Azərbaycan Respublikası ərazisini Ermənistan ordusunun ələ keçirməsi və orada olması ətrafdakı 7 rayonun işğalı ilə eyni işğal deyilmi?

Buna görə də qənaətim sadədir - yenə də Rusiya Federasiyasının rəsmi mövqeyinin etnik motivli şərhi".

Milli.Az


Etiketlər:  Lavrovun açıqlamasında sevinməli


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ