Aktual mövzular: Dollar alış-satışı, Neftin qiyməti, COP29, Hava proqnozu

Makqreqor qayıdır: İl sonuna qədər iki döyüş keçirəcək

Tarix: 19 Mart 2023 14:32

Qarışıq döyüş növləri üzrə iki çəki dərəcəsində keçmiş UFC çempionu Konor Makqreqor oktaqona qayıdır.

Sonxeber.net oxu.az-a istinadən bildirir ki, irlandiyalı idmançı bu ilin sonuna qədər iki döyüş keçirmək niyyətinddir.

"Məqsədim ilin sonuna qədər iki döyüş keçirməkdir. Bunun üçün heç bir maneə görmürəm və reallaşacağını hiss edirəm. Güman edirəm ki, yayın sonunda, bəlkə də, bir qədər gec Maykl Çandlerlə döyüşüm baş tutacaq. Bundan sonra ilin sonuna qədər kifayət qədər çox vaxt olacaq", - Konor deyib.

Makqreqor daha əvvəl Çandlerlə döyüşdən sonra ağır çəki dərəcəsində titul qazanmaq niyyətində olduğunu bildirmişdi. Həmçinin, irlandiyalı döyüşçü növbəti 6 ay ərzində dopinq testlərindən keçməyəcəyini deyib.

Makqreqor 2021-ci ilin iyulunda Dastin Porye ilə qarşılaşmada zədələndikdən sonra heç bir döyüş keçirməyib.

Whatsapp ilə göndər