Ruslar Baxmutda dayandı, Ukrayna əks-hücumlar edir

Tarix: 4 May 2023 08:54

Rusiyanın Baxmutdakı hücumu dayanıb, Ukrayna Silahlı Qüvvələri isə əks-hücumlar həyata keçirir.

Sonxeber.net axar.az-a istinadən bildirir ki, bunu ukraynalı hərbi ekspert Aleksandr Kovalenko deyib.

"Baxmutda toqquşmalar nəticəsində heç bir ciddi dəyişiklik olmayıb. Xüsusən hündürmərtəbəli binalarda mövqe tutan Ukrayna hərbçiləri də əks-hücumlarla əvvəllər tərk edilmiş yerlərə nəzarəti bərpa etməyə çalışır. Və deyə bilərəm ki, cəhdlər uğursuz deyil", - ekspert bildirib.

Kovalenko qeyd edib ki, şəhərdə toqquşma xətti fərdi mövqelərin dəfələrlə əl dəyişdirdiyi "cəhənnəm yelləncəkləri"dir:

"Baxmut bölgəsində görülən "TOS-1A Solntsepyok" odsaçanı ruslara qarşıya qoyulan vəzifəni həll etməkdə - mayın 9-dək şəhəri nəzarətə götürməkdə kömək etmir".

Ekspertin sözlərinə görə, bu gün cəbhədə hava şəraiti "xoş"dur:

"Bu, tezliklə müəyyən "kulminasiya"nın şahidi olacağımıza inam yaradır".

Qeyd edək ki, ötən gün "Vaqner" muzdlu hərbi şirkətin rəhbəri Yevgeni Priqojin Ukraynanın Baxmutda böyük əks-hücuma başladığını bildirib.