Aktual mövzular: Dollar alış-satışı, Məzənnə, Neftin qiyməti

Sabahdan əcnəbilərin qoruq və muzeylərə giriş qiyməti dəyişəcək - QİYMƏTLƏR

Tarix: 31 May 2023 21:18

İyunun 1-dən etibarən Dövlət Turizm Agentliyinin tabeliyindəki bəzi qoruq və muzeylərə əcnəbi vətəndaşlar üçün giriş qiymətlərində dəyişikliklər tətbiq ediləcək.

Milli.Az APA-ya istinadən bildirir ki, bu barədə Qoruqları İdarəetmə Mərkəzi məlumat yayıb.

Qeyd olunub ki, sabahdan xarici ölkə vətəndaşları üçün "Atəşgah məbədi" Dövlət Tarix-Memarlıq qoruğu, "Yuxarı Baş" Milli Tarix-Memarlıq qoruğu, "Kiş" Tarix-Memarlıq qoruğu və "Diri Baba" türbəsinə giriş qiyməti əcnəbilər üçün 9 AZN təyin edilib.

"Yanar dağ" Dövlət Tarix-Mədəniyyət və Təbiət Qoruğu və "Atəşgah məbədi" Dövlət Tarix-Memarlıq Qoruğu üçün kombinə olunmuş biletin qiyməti isə 15 AZN olacaq.

Eyni zamanda, bu qoruqlarda xarici dillərdə bələdçi xidmətinin qiyməti 10 AZN olaraq müəyyənləşdirilib.

Qeyd edək ki, Azərbaycan vətəndaşları üçün giriş qiymətləri dəyişmədən - 2 AZN olaraq qalır. Qoruqlara giriş yerli tələbələr üçün 1 AZN, məktəblilər üçün isə ödənişsizdir. Həmçinin, Azərbaycan vətəndaşı olan əlillər, müharibə veteranları və qazilər, 12 yaşınadək xarici turistlər də qoruqları pulsuz ziyarət edə bilərlər.

Milli.Az

Whatsapp ilə göndər