Aktual mövzular: Dollar alış-satışı, Məzənnə, Neftin qiyməti

İtaliyada dəhşətli qəza: matəm elan olundu

İtaliyada dəhşətli qəza: matəm elan olundu

Tarix: 4 Oktyabr 2023 07:20

İtaliyanın Venesiya şəhərinin Mestre qəsəbəsində turistləri daşıyan avtobusun yerüstü keçiddən aşması nəticəsində azı 21 nəfər ölüb.

Milli.Az axar.az-a istinadən bildirir ki, "La Linea" şirkətinə məxsus avtobus dəmir yolu xətti üzərindəki yerüstü keçiddə hərəkətdə olarkən təxminən 10 metr hündürlükdən aşağı düşüb və yanğın baş verib. Hadisə nəticəsində ikisi uşaq olmaqla, azı 21 nəfər ölüb, 12 nəfər yaralanıb, bir neçə nəfər itkin düşüb. Yaralılar təcili xəstəxanaya çatdırılıb. Təhlükəsizlik qüvvələri qəzanın başvermə səbəblərini araşdırır.

İtaliyanın Baş naziri Ciorcia Meloni hadisəyə görə narahatlığını ifadə edib, həlak olanların ailələrinə və yaxınlarına başsağlığı verib.

İtaliya Prezidenti Sercio Mattarella isə Venesiya meri Luici Bruqnaro ilə telefon danışığı zamanı hadisənin təfərrüatı barədə məlumat alıb.

Ağır yol qəzasına görə Venesiyada matəm elan edilib.

Milli.Az


Etiketlər:  İtaliyada dəhşətli qəza matəm elan olundu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ