130 min nəfər hərbi xidmətə çağırıldı

Tarix: 29 Dekabr 2023 17:36

Rusiya Müdafiə Nazirliyi hərbi xidmətə payız çağırışının başa çatdığını elan edib.

Sonxeber.net APA-ya istinadən bildirir ki, Rusiya MN payız çağırışı zamanı 130 min nəfərin hərbi xidmətə çağırıldığını açıqlayıb.

Qeyd edək ki, ötən günlərdə Rusiya ordusunda xidmət edən müqaviləli hərbçilərin sayı da açıqlanmışdı. Ukrayna müharibəsi başlayandan bəri ilk dəfə olaraq Rusiya silahlı qüvvələrində müqaviləli hərbçilərin sayını açıqlamışdı. Rusiya MN-nin "Ordu rəqəmlərdə-2023" materialında qeyd olunmuşdu ki, ümumilikdə, 640 mindən çox insan müqavilə əsasında hazırda Rusiya ordusunda xidmət edir.