Aktual mövzular: Dollar alış-satışı, Məzənnə, Neftin qiyməti

"Lap ağını çıxarmısınız, dünyanın heç bir yerində bu yoxdur" - Nura OD PÜSKÜRDÜ

Tarix: 2 Yanvar 2024 14:20

"Cəmiyyətimizdə son vaxtlar yaşlı sənətkarlara qarşı aqressiya müşahidə edirəm. Xüsusi ilə də Zeynəb Xanlarovaya qarşı qara piar qəbulolunmazdır. Dünyanın heç bir yerində sənətkar qocaldığına görə bulinqlə üzləşmir".

Milli.Az qafqazinfo-ya istinadən xəbər verir ki, bu sözləri müğənni Nura Suri feysbuk hesabındakı paylaşımında yazıb. 

"Yaşa dolan insanlara hörmətlə yanaşın. Siz də qocalaqsınız. Qocalmaq ayıb deyil. Lap ağını çıxarmısınız. Yekə kişilər yaşa dolan xanım müğənnilərin, aktrisaların şəklini paylaşıb ağıllarına, ağızlarına gələni yazırlar. Mənəviyyatsız insanlarla bir cəmiyyətdə yaşamaq çox üzücüdür. Evdə yaşlanan valideyinlərinizi də sevmirsiniz yəqin. Kim sizə haqq verib ki, insanları görünüşünə, geyiminə, yaşına görə təhqir edəsiniz? Sadəcə mənəviyyatsızlığınızı və dərrakəsizliyinizi nümayiş etdirirsiniz!"-deyə, sənətçi bildirib.

Qeyd edək ki, Xalq artisti Zeynəb Xanlarovanın AzTV-dəki çıxışı birmənalı qarşılanmamışdı. Belə ki, sənətçinin Yeni il çıxışı sosial şəbəkələrdə geniş müzakirələrə səbəb olub. 87 yaşlı Xanlarovanın ifalarını gözləyənlərlə yanaşı, onu tənqid edənlər də az olmayıb. 

Milli.Az


Etiketlər:  Lap ağını çıxarmısınız dünyanın heç bir yerində bu yoxdur Nura OD PÜSKÜRDÜ


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ