Aktual mövzular: Dollar alış-satışı, Neftin qiyməti, COP29, Hava proqnozu
Tarix: 14 Yanvar 2024 16:34
Şimali Koreya Yapon dənizi istiqamətində ballistik raket buraxıb.
Sonxeber.net axar.az-a istinadən bildirir ki, bu barədə "Yonhap" agentliyi məlumat yayıb.
Hələlik raketin və onun uçuşunun detalları barədə məlumat yoxdur. Bununla belə, Cənubi Koreyanın müdafiə naziri Şin Von-Şik ötən həftə "Yonhap" agentliyinə müsahibəsində KXDR-in yaxın günlərdə bərk yanacaqla işləyən ortamənzilli ballistik raket sınağı keçirə, ayın sonunda isə uzaqmənzilli raket buraxa biləcəyini açıqlamışdı.
Qeyd edək ki, Şimali Koreya sonuncu dəfə ötən il dekabrın 18-də Yapon dənizi istiqamətində bərk yanacaqla işləyən "Hvasong-18" qitələrarası ballistik raketini buraxmışdı.