Röya: “ ''Bu, barışıq deyil!”

Tarix: 18 Mart 2024 12:00

"Mən heç kimlə barışmamışam. Mənim Xalq artisti Flora Kərimova ilə münasibətim çox gözəl idi. Sadəcə medianın bundan xəbəri yox idi. 8 Mart - Beynəlxalq Qadınlar Günündə evinə gedib onun bayramını təbrik etdim". 

Röya Ayxan Flora Kərimovanın evinə getdi - FOTOlar

Sonxeber.net bizim.media-ya istinadən bildirir ki, bu sözləri Xalq artisti Röya Ayxan "Balkanla gecə turu" verilişinə müsahibəsində deyib. 

Sənətçi 8 Mart - Beynəlxalq Qadınlar Günündə Xalq artisti Flora Kərimovanın evinə gedərək onu təbrik etməsindən söz açıb. Röya bildirib ki, F.Kərimova ilə küsülü olmayıb: 

"Bu, barışıq deyil! Flora xanımı harada görmüşəmsə, salamlaşmışam, öpmüşəm, qucaqlamışam və bayramdırsa, bayramını təbrik etmişəm. Bu mənim ürəyimdən keçdi, etdim. Valideynlərim və əzizlərim Bakıda olmadığına görə onların yerinə Flora xanımı seçdim. Hamının adından onu təbrik etdim. Əsla belə düşünməyin ki, mən Flora Kərimova ilə danışmırdım və barışdıq. Xeyr! O mənim hər zaman sevdiyim və istədiyim insan olub. Sadəcə aramızda anlaşılmazlıqlar olmuşdu. Bu da olan şeydir".