Aktual mövzular: Dollar alış-satışı, Neftin qiyməti, COP29, Hava proqnozu

Stadiona girərək Ronaldo ilə şəkil çəkdirən 10 yaşlı Berata AĞIR CƏZA - FOTO

Tarix: 25 Iyun 2024 12:28

AVRO-2024 çərçivəsində baş tutan Türkiyə-Portuqaliya matçında meydançaya tullanaraq Kriştiano Ronaldo ilə şəkil çəkdirən 10 yaşlı Berat Uluğa UEFA tərəfindən ağır cəza verilib.

Sonxeber.net baku.ws-ə istinadən bildirir ki, Beratın AVRO-2024-də bütün oyunlardan uzaqlaşdırılacağı bildirilib.

Qeyd olunub ki, Berat azyaşlı olduğu üçün cinayət işi açılmayacaq.

UEFA rəsmisi "Express"ə açıqlamasında bildirib ki, meydançaya hər hansı giriş stadion qaydalarının pozulmasıdır:

"Belə olduqda stadiondan qovulmaq, bütün turnir oyunlarına qadağa qoyulması və icazəsizliyə görə rəsmi cinayət işi açılması həyata keçiriləcək. 12 yaşına çatmamış uşaqlar üçün cinayət məsuliyyəti nəzərdə tutulmur, lakin onu müşayiət edən böyüklər biletin alınması şərtlərinə uyğun olaraq uşağın stadion qaydalarına əməl etməsinə cavabdehdir".