“X”in bu ölkədəki qadağası götürüldü

Tarix: 19 Sentyabr 2024 20:12

Amerikalı milyarder İlon Mask "X" sosial media platformasının serverlərə daxil olma üsulunu dəyişdirib.

Sonxeber.net publika.az-a istinadən xəbər verir ki, "X"in 20 milyondan çox aktiv istifadəçisi var.

Buna baxmayaraq, Braziliyada olan mübahisələr səbəbilə avqustun sonundan etibarən sosial şəbəkə orada işləmirdi. Bununla belə "X"in IP ünvanlarını araşdıran ekspertlər platformanın məzmun paylama şəbəkəsi olan "Cloudflare" serverləri vasitəsilə istifadəçiləri öz serverlərinə yönləndirməyə başladığına dair əlamətlər olduğunu bildiriblər.

Bu inkişafdan sonra Braziliyadakı bəzi "X" istifadəçiləri sosial media platformasına yenidən giriş əldə ediblər.

Mask hələ "X"in Braziliyada giriş baryerini qismən pozması ilə bağlı heç bir açıqlama verməyib.