Aktual mövzular: Dollar alış-satışı, Neftin qiyməti, COP29, Hava proqnozu

“iPhone”larda mühüm dəyişiklik olacaq - bu tarixdə

Tarix: 14 Dekabr 2024 08:16

ABŞ-nin "Apple" korporasiyası 2025-ci ildən etibarən "iPhone" smartfonlarında "Bluetooth" və "Wi-Fi" qoşulması üçün "Broadcom Inc" şirkətinin təchiz etdiyi komponentləri öz istehsalı olan çiplərlə əvəz edəcək.

Sonxeber.net qafqazinfo-ya istinadən xəbər verir ki, bu barəd "Bloomberg" məlumat yayıb.

Bildirilib ki, şirkət bir neçə il ərzində "Proxima" kod adı altında çip hazırlayıb. Bu çip, "Apple"ın digər çipləri kimi, korporasiyanın tərəfdaşı olan "Taiwan Semiconductor Manufacturing Co." tərəfindən istehsal ediləcək.

Agentliyin qeyd etdiyi kimi, hazırda "Apple" korporasiyası "Broadcom" məhsullarının ən böyük sifarişçilərindən biridir və şirkətin gəlirlərinin təxminən 20%-i onun payına düşür.

"Apple"ın modullardan imtina etməsi xəbərindən sonra "Broadcom"un səhmləri 3.9% dəyər itirib.

Whatsapp ilə göndər