Eks-prezident həyat yoldaşının yanında dəfn edildi

Tarix: 10 Yanvar 2025 14:48

ABŞ-ın 39-cu prezidenti Cimmi Karterin dəfn mərasimi Plains şəhərində (Corciya ştatı) keçirilib.

Sonxeber.net xəbər verir ki, "Associated Press"in məlumatına görə, Cimmi Karter ailəsinə məxsusu fermanın ərazisində həyat yoldaşı Rosalinin yanında dəfn edilib. Keçmiş birinci xanım 2023-cü ildə 96 yaşında vəfat etmişdi.

Xatırlaadq ki, Cimmmi Karterlə vida mərasimi cümə axşamı Vaşinqtonda keçirilib və bundan sonra Karterin tabutu xüsusi reyslə Corciyadakı Fort Mur Hərbi Hava Qüvvələri bazasına aparılıb. Hərbi orkestrin musiqisi və 21 silahlı salam sədaları altında kortej və cənazə maşını Plains Baptist Kilsəsinə yola salınıb. Orada qapalı, qısa bir anım mərasimi keçirilib, yalnız ailə üzvləri və az sayda dəvət olunmuş qonaqlar iştirak edib.

Daha sonra keçmiş liderin cəsədi olan tabut yenidən cənazə maşınına qoyularaq Karterin malikanəsinə aparılıb. Kortecin keçdiyi yolda insanlar eks-prezidenti son səfərinə yola salmaq üçün növbəyə düzülüblər.

Karter Demokrat Partiyasının liderlərindən biri olub və 1976-cı ildə prezident seçkilərində qalib gəlib.

O, ABŞ-nin 39-cu prezidenti olub və 1977-1981-ci illərdə bu vəzifədə çalışıb.

Cimmi Karter 2024-cü il dekabrın 29-da 100 yaşında vəfat edib./modern.az