Rafael Ağayev istefa verdi - YENİLƏNİB

Tarix: 16 Yanvar 2025 15:28

15:27

Karate ustası, beşqat dünya, 11 qat Avropa çempionu və Olimpiya Oyunlarının gümüş mükafatçısı Rafael Ağayev Karate Federasiyasındakı vəzifəsindən istefa verib.

Sonxeber.net-ın məlumatına görə, o, Azərbaycan Karate Federasiyasının (AKF) WKF üzrə vitse-prezidenti vəzifəsindən ayrılıb.

Qeyd edək ki, R.Ağayev keçən ilin fevralında Azərbaycan Karate Federasiyasının (AKF) WKF üzrə vitse-prezidenti vəzifəsinə təyin olunub./oxu.az

09:52

Rafael Ağayev Karate Federasiyasının WKF üzrə vitse-prezidenti vəzifəsindən istefa verəcək.

Sonxeber.net titul.az-a istinadən xəbər verir ki, bu barədə o özü məlumat verib.

R.Ağayev deyib:

"Mən bir dənə vitse-prezident olduğumu xatırlayıram. Ondan bu yana təəssüflər olsun ki, 7-8 aydır iclaslar olur, bir dəfə dəvət almıram. Ona görə də bu ayın axırına qədər vəzifəmdən istefa verib ayrılacam".

Qeyd edək ki, Rafael bu açıqlamanı müsahibəsində deyib.

Xatırladaq ki, R.Ağayev keçən ilin fevralında Azərbaycan Karate Federasiyasının WKF üzrə vitse-prezidenti vəzifəsinə təyin olunub.