Mbappe Benzemanın nailiyyətini təkrarlayıb

Tarix: 17 Yanvar 2025 13:56

İspaniyanın "Real" klubunun futbolçusu Kilian Mbappe Kərim Benzemanın Madrid təmsilçisindəki uğurunu təkrarlayıb.

Sonxeber.net xəbər verir ki, 26 yaşlı hücumçu buna "Selta"ya əlavə vaxtda 5:2 hesabı ilə qalib gəldikləri ölkə kubokunun 1/8 final mərhələsinin oyununda fərqlənməklə nail olub.

Fransalı forvard həmyerlisi Benzema kimi "Kral klubu"nda bir mövsümdə altıncı turnirdə fərqlənməyi bacarıb.

O, bundan əlavə, La Liqada, İspaniya Superkubokunda, Çempionlar Liqasında, UEFA Superkubokunda və Qitələrarası Kubokda da qol vurub.

Kərim Benzema eyni nailiyyətə 2022/2023 mövsümündə imza atmışdı.

Qeyd edək ki, Kilian Mbappenin "Real" ilə müqaviləsinin müddəti 2029-cu ilin yayınadək nəzərdə tutulub./report.az