Aktual mövzular: Dollar alış-satışı, Neftin qiyməti, COP29, Hava proqnozu

''WhatsApp''da böyük dəyişiklik - tamamilə yeni funksiya gəlir

Tarix: 29 Yanvar 2025 08:48

"WhatsApp" süni intellekt dünyasına qapı açacaq böyük yenilənməyə hazırlaşır. Belə ki, tərtibatçılar süni intellekt əsaslı çat-botlara həsr olunmuş ayrı bir qoşma əlavə edəcəklər. Yenilik tətbiqin 2.25.3.2 versiyasında görünəcək.

Sonxeber.net oxu.az-a istinadən xəbər verir ki, yeni funksiya "İcmalar" qoşmasını əvəz etmək və istifadəçilərə mesajlaşma interfeysi daxilində müxtəlif süni intellekt xidmətlərinə çıxışı təmin etmək üçün nəzərdə tutulub.

Yenilənmə hazır süni intellekt botlarına çıxışla yanaşı, istifadəçilərə öz virtual köməkçilərini yaratmaq imkanı da verəcək.

Hazırda funksiya erkən mərhələdədir.

"WhatsApp"a inteqrasiya ediləcək süni intellekt xidmətlərinin konkret siyahısı hələ açıqlanmayıb.