Volkan Konakı təhqir etmişdi - araşdırma başlandı

Tarix: 3 Aprel 2025 11:20

İstanbul Çatalca vilayət müftisi Əhməd Mehmetalioğlunun bir neçə gün öncə səhnədə infarkt keçirərək ölən türkiyəli sənətçi Volkan Konakla bağlı etdiyi paylaşıma görə araşdırma başlanıb.

Sonxeber.net qafqazinfo-ya istinadən xəbər verir ki, bu haqda Türkiyə KİV məlumat yayıb.

Diyanət İşləri Başqanlığı İstanbul Çatalca vilayət Müftisi Əhməd Mehmetalioğlunun sosial mediada paylaşdığı paylaşımlarla bağlı araşdırmalara başlandığını açıqlayıb.

"Son günlərdə ictimaiyyətin ixtiyarında olan xəbərlər, o cümlədən, Çatalca vilayət müftisi Əhməd Mehmetalioğlunun bəzi sosial media paylaşımlarındakı iddialarla bağlı Türkiyə Prezident adminstrasiyası tərəfindən araşdırma başladılıb".

Qeyd edək ki, mufti mərhum Volkan Konakla bağlı bu sözləri demişdi:

"Səhnədə gəbərdi... İndi bizdən soruşacaqlar: Mərhumu necə biri kimi tanıyırdınız? Cavabımız budur: Belə bildik. Bizim üçün içən təbii ki, bizim üçün də yanar".