Aktual mövzular: Dollar alış-satışı, Neftin qiyməti, COP29, Hava proqnozu

“Apple” oyun kompüteri buraxacaq

Tarix: 28 Dekabr 2019 08:12

"Apple" şirkəti video oyunlar üçün kompüterin buraxılışını planlaşdırır. Bu barədə "Patenty Apple" nəşrinin məlumatında deyilir.

Milli.Az ictnews.az-a istinadən bildirir ki, peşəkar oyun həvəskarları üçün nəzərdə tutulan model yüksək məhsuldarlıq və baha qiyməti ilə seçiləcək. Qiyməti 5 min dollar təşkil edəcək kompüter ya monoblok form-faktorunda ya da böyük ekranlı noutbuk şəklində buraxılacaq.

Məlumata görə, kompüterin yığılması ilə "Quanta", "TSMC" şirkətləri, "Hongzhun" və "Kecheng" korpus istehsalçıları və digər "Apple" podratçıları məşğul olacaq. "Mac" seriyasında, prinsipcə, yeni qurğunun nümayişi iyunda keçiriləcək "WWDC 2020" tərtibatçılar konfransında baş tutacaq.

Bildirilir ki, "Apple" artmaqda olan kiberidman və video oyunlar bazarına maraq göstərir. Məsələn, sentyabrda şirkət tərəfindən "Apple" ekosisteminə daxil olan bütün qurğularda abunə ilə istifadəyə imkan verən "Arcade" oyun servisi istifadəyə verilib. Bununla yanaşı, "Mac" kompüterlərinin əsas seriyası ilk növbədə video oyunlara deyil, iş və yaradıcılığa aid edilir.

Whatsapp ilə göndər