Aktual mövzular: Dollar alış-satışı, Neftin qiyməti, COP29, Hava proqnozu

Millimiz ''Fənərbağça'' ilə heç-heçəyə razılaşdı

Tarix: 29 Dekabr 2019 23:40

Türkiyədə təlim-məşq toplanışında olan qadın voleybolçulardan ibarət Azərbaycan milli komandası ilk yoxlama matçını keçirib. Sonxeber.net matc.az-a istinadən bildirir ki, yığmamız İstanbulda "Fənərbağça" ilə üz-üzə gəlib.

Qarşılaşma voleybolçularımız üçün yaxşı başlayıb. Təmsilçimiz ardıcıl 2 setdə rəqibindən üstün olub - 25:22, 25:23.

Ardınca baş məşqçi Vasif Talıbov ehtiyat qüvvəyə də şans verib. Bundan istifadə edən rəqib hesabı bərabərləşdirib - 25:17, 25:23.

Komandalar qarşılıqlı razılığa əsasən tay-breki oynamayıblar. Beləliklə, yığmamız Vasif Talıbovun rəhbərliyi altında ilk qarşılaşmadan 2:2 hesablı heç-heçə ilə ayrılıb.

Qeyd edək ki, Olimpiya təsnifat turnirinə hazırlaşan millimiz qardaş ölkədə daha bir sınaq oyunu keçirəcək. Rəqib "Türk Hava Yolları" olacaq.

Whatsapp ilə göndər