Aktual mövzular: Dollar alış-satışı, Məzənnə, Neftin qiyməti

Bakıda sevdiyi qızı güllələyən şəxsin məhkəmə istintaqı başa çatdı

Tarix: 19 Aprel 2019 19:52

Bakı. Samir Əli - Trend:

Bu gün Bakı Ağır Cinayətlər Məhkəməsində qətl hadisəsi törətməkdə təqsirləndirilən Sabir Qədimovun cinayət işi üzrə məhkəmə prosesi davam etdirilib.

Trend-in məlumatına görə, hakim Rasim Sadıxovun sədrliyi ilə keçirilən prosesdə məhkəmə istintaqı başa çatıb.

Prokuror çıxış üçün məhkəmədən vaxt istəyib.

Məhkəmənin növbəti iclası aprelin 26-na təyin edilib.

İttihama görə, ötən il mayın 31-də Sabunçu rayonu, Balaxanı qəsəbəsi, Qılman Salahov küçəsi, 15 ünvanında qəsəbə sakini, 1999-cu il təvəllüdlü S.Qədimov 2001-ci il təvəllüdlü Aytən Cəfərovanı güllələyərək qətlə yetirib.

Həmçinin o, A.Cəfərovanın anası, 1962-ci il təvəllüdlü Esmira Cəfərovanın əlindən və çiynindən güllələyib.

Whatsapp ilə göndər