Aktual mövzular: Dollar alış-satışı, Neftin qiyməti, COP29, Hava proqnozu

İranın Tibbi Ekspertiza Təşkilatı: 150 meyit təhvil verilib

İranın Tibbi Ekspertiza Təşkilatı: 150 meyit təhvil verilib

Tarix: 19 Yanvar 2020 16:28

Bakı. Elnur Bağışov - Trend:

8 yanvarda İranın Tehran vilayətinin Parand şəhəri yaxınlığında qəzaya uğrayan Ukraynaya məxsus sərnişin təyyarəsində həlak olanların 150-nin meyiti aidiyyəti üzrə ailələrinə təhvil verilib.

Trend-in məlumatına görə, bu, İranın Tibbi Ekspertiza Təşkilatının bununla əlaqədar yayımladığı məlumatda öz əksini tapıb.

Bildirilir ki, indiyədək həlak olanların 169-nun meyiti müəyyənləşib.

Məlumatda qeyd olunur ki, genetik profili Tehran tibbi ekspertiza idarəsinə göndərildiyi və ya yaxınları tibbi ekspertiza mərkəzlərinə müraciət etdiyinə görə, hadisə qurbanlarının kimliyi bəlli olub.

Qeyd edək ki, 8 yanvarda İranın Tehran vilayətinin Parand şəhəri yaxınlığında Ukraynaya məxsus təyyarə qəzaya uğrayıb. Qəza nəticəsində 176 nəfər həlak olub. İranın Silahlı Qüvvələri Baş Qərargahı 11 yanvar səhər bəyanat verərək bu təyyarənin İranın Havadan Müdafiə Sistemi tərəfindən səhvən vurulduğunu bildirib.

Trend-in ən mühüm və maraqlı xəbərlərini "Telegram"da izləyin


Etiketlər:  İranın Tibbi Ekspertiza Təşkilatı meyit təhvil verilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ