Aktual mövzular: Dollar alış-satışı, Məzənnə, Neftin qiyməti

Kondisioner və qızdırıcını əvəz edəcək daşınan cihaz təqdim edilib

Kondisioner və  qızdırıcını əvəz edəcək  daşınan cihaz təqdim edilib

Tarix: 21 May 2019 11:20

Kaliforniya Universitetinin mühəndisləri qışın soyuğuna və yayın istisinə qarşı qeyri-adi mübarizə üsulu fikirləşiblər. Onlar vəziyyətdən asılı olaraq insanın dərisini isidən və ya soyudan daşınan cihaz hazırlayıblar. Belə cihazı birbaşa geyimə quraşdırmaq mümkündür və onun istifadəsi kondisioner və qızdırıcıların işini minimum endirməklə elektrik enerjisi istehlakını xeyli azalda bilər.

 

“ICTnews” Elektron Xəbər Xidməti “4pda.ru” saytına istinadən yazır ki, qurğunun prototipi insanın çiyninə bərkidilən sarğı şəklində işlənib hazırlanıb. Onun strukturuna daxil olan akkumulyator, sistem lövhəsi və termoelement elastikdir. Cihaz insan dərisini istifadəçi tərəfindən seçilmiş temperaturda isidib-soyutmaq imkanına malikdir.

 

Aparıcı mühəndis Renkun Çenin sözlərinə görə, cihaz qızdırıcı və kondisionerləri tamamilə əvəz etmir, lakin insanın özünü rahat hiss etdiyi temperatur diapazonunu xeyli genişləndirir.

 

Emil Hüseynov




Etiketlər:  Kondisioner qızdırıcını əvəz edəcək daşınan cihaz təqdim edilib


RƏYLƏR



Populyar Xəbərlər

XƏBƏR LENTİ