Aktual mövzular: Dollar alış-satışı, Məzənnə, Neftin qiyməti

“Bergen Anlaşması”nın müddəaları ilə bağlı fikir mübadiləsi aparılıb (FOTO)

“Bergen Anlaşması”nın müddəaları ilə bağlı fikir mübadiləsi aparılıb (FOTO)

Tarix: 10 Iyul 2020 16:00

Bakı. Trend:

İyulun 10-da Dövlət Gömrük Komitəsinin sədri, gömrük xidməti general-polkovniki Səfər Mehdiyev ilə Avropa İttifaqının Beynəlxalq və Ümumi İşlər üzrə direktoru Sabine Henzler arasında videokonfrans formatında görüş keçirilib.

Dövlət Gömrük Komitəsindən Trend-ə verilən məlumata görə, komitənin Ümumdünya Gömrük Təşkilatının Avropa Regionu üzrə rəhbəri qismində təmsil olunduğu görüşdə “Bergen Anlaşması”nın müddəaları ilə bağlı fikir mübadiləsi aparılıb. Videokonfransda İspaniya Gömrük Xidmətinin öz iradəsi xaricində təmsil olunduğu altqrupu tərk etməsi xüsusi müzakirə mövzusu olub. DGK sədri Səfər Mehdiyev İspaniyanın müvəqqəti olaraq Qərb altqrupunda təmsil olunmasını təklif edib.

Eyni zamanda, görüşdə gömrük xidmətlərinin fəaliyyətinin pandemiyanın şərtlərinə uyğun şəkildə qurulması, beynəlxalq əməkdaşlığın inkişaf etdirilməsi, potensialın gücləndirilməsi ofislərinin gələcək fəaliyyətinin təşkili və tənzimlənməsi ilə bağlı təklif və rəylər nəzərdən keçirilib.

Qeyd edək ki, 2009-cu ildə Bergen şəhərində imzalanan saziş Ümumdünya Gömrük Təşkilatının Siyasi Komissiyası, Maliyyə və Audit Komitələrində Avropa Regionunun təmsilçiliyinə dair prosedurları özündə ehtiva edir.

Ötən il Ümumdünya Gömrük Təşkilatının Avropa regionu üzrə sədr müavini seçilən Azərbaycan həm Şuranın, həm də Siyasi Komissiyanın sessiyalarında artıq regionun adından çıxış edir, Avropa regionu gömrük xidmətlərinin maraqlarını qoruyur.

“Bergen Anlaşması”nın müddəaları ilə bağlı fikir mübadiləsi aparılıb (FOTO) - Gallery Image “Bergen Anlaşması”nın müddəaları ilə bağlı fikir mübadiləsi aparılıb (FOTO) - Gallery Image “Bergen Anlaşması”nın müddəaları ilə bağlı fikir mübadiləsi aparılıb (FOTO) - Gallery Image “Bergen Anlaşması”nın müddəaları ilə bağlı fikir mübadiləsi aparılıb (FOTO) - Gallery Image “Bergen Anlaşması”nın müddəaları ilə bağlı fikir mübadiləsi aparılıb (FOTO) - Gallery Image


Etiketlər:  Bergen Anlaşmasının müddəaları ilə bağlı fikir mübadiləsi aparılıb FOTO


RƏYLƏR



Populyar Xəbərlər

XƏBƏR LENTİ