Bir ailədən 4 nəfər – “Neftçi”nin rəqibi

Tarix: 18 Iyun 2019 22:36

Avropa Liqasının 1-ci təsnifat mərhələsində "Neftçi"nin rəqibi olan Moldovanın "Sperantsa" klubu 1991-ci ildə yaranıb.

Qol.az xəbər verir ki, klub yarandığı ildən bir il sonra dünyaya gələn Kristian Efros komandanın baş məşqçisidir. 27 yaşlı məşqçi 5 ildir - 22 yaşından  “Sperantsa”nı çalışdırır. Sabiq futbolçu klub prezidenti Petru Efrosun oğludur. 


Kristian Efros - baş məşqçi


Petrunun digər oğlu 29 yaşlı Stefan isə “Speranta”nın kapitanıdır. Maraqlıdır ki, Petrunun xanımı Qabriela Sandu da klubda çalışır. O, Maliyyə və Kadrlar şöbəsinin rəhbəridir.


Petru Efros - klub prezidenti

Ötən mövsümü 38 xalla 4-cü pillədə başa vuran Nisporeni təmsilçisi ev oyunlarını 7 min azarkeş tutumuna malik stadionda keçirir. Komanda hazırda Moldova çempionatında 13 turdan sonra 19 xalla 5-ci pillədə qərarlaşıb. Çempionatda 7 qol vuran Maksim Lurcu komandanın bombardiridir.