Aktual mövzular: Dollar alış-satışı, Neftin qiyməti, COP29, Hava proqnozu

Bakıda 1 milyonluq qızılları oğurlanan qadının kimliyi bəlli oldu

Tarix: 5 Avqust 2020 15:38

Bakıda 1 milyonluq qızılları oğurlanan şəxsin kimliyi məlum olub.

Sonxeber.net qafqazinfo-ya istinadən xəbər verir ki, həmin şəxs paytaxt sakini, 1969-cu il təvəllüdlü Zülfiyyə Əliyevadır.

Məlumata görə, oğurlandıqdan sonra 75 min dollara satılan qızılı iki nəfər oğurlayıb. Onlar ev sahibinin tanışları olublar və qadının evdə olmayacağı vaxtı planlaşdıraraq mənzilə daxil olublar. Evdə heç bir dağıntı törətmədən birbaşa seyfi xüsusi aparatla kəsərək içindən qızılları aparıblar.

Bir milyon manatlıq qızıl-zinət əşyalarının içində qızıl sikkələr, qara brilliantlar, medalyonlar və kolyelər olub.

Cinayəti törətməkdə şübhəli bilinənlərdən biri - 25 yaşlı Tural Rəhimli saxlanılıb. Onun ortağı olmaqda şübhəli bilinən 40 yaşlı Əkbər Salmanov isə hələ ki, istintaqdan gizlənməyi bacarıb.

Faktla bağlı istintaq davam etdirilir.

Whatsapp ilə göndər