Aktual mövzular: Dollar alış-satışı, Neftin qiyməti, COP29, Hava proqnozu

Sabiq deputatın qudası: Toy deyil, nişan kimi məclis etmişik, qaydalara riayət olunub

Sabiq deputatın qudası: Toy deyil, nişan kimi məclis etmişik, qaydalara riayət olunub

Tarix: 22 Avqust 2020 13:20

Bakı. Samir Əli - Trend:

Abşeron rayon Məhkəməsində karantin qaydalarını pozaraq övladına toy edən sabiq deputat İlham Əliyev və qudası Rövşən Mustafayevin işi üzrə məhkəmə prosesi başlayıb.

Trend-in məlumatına görə, proses canlı yayımlanır. Prosesdə şahid qismində ifadə verən Abşeron rayon Polis İdarəsinin əməkdaşı bildirib ki, toy mərasimi Abşeron rayonunun Novxanı qəsəbəsində sabiq deputat İ.Əliyevin bağ evində qapalı yerdə keçirilib. Polis əməkdaşları hadisəyə müdaxilə etməyə çalışsalar da onlara icazə verilməyib.

Prosesdə ifadə verən təqsirləndirilən, İ.Əliyevin qudası R.Mustafayev ittihamları qəbul etməyib. Bildirib ki, məclisdə karantin qaydalarına riayət edilib, bir stolda 5-6 nəfər əyləşib: "Biz karantin qaydalarını pozmamışıq, qaydalara əməl etmişik, 5-6 nəfər ara məsafəsi saxlamaqla əyləşib. Məclis qapalı yerdə deyil, açıq havada keçirilib".

Hakimin "Siz özünüzü inzibati xəta törətməkdə təqsirli bilirsinizmi?" sualına R.Mustafayev hadisədə özünü qismən təqsirli bilib: "Məclisdə mənim 4 nəfərlik ailə üzvüm iştirak edib. Bütün qaydalara riayət etmişik. Bu toy deyildi, nişan kimi məclis idi".

Məhkəmə müşavirəyə yollanıb.


Etiketlər:  Sabiq deputatın qudası deyil nişan kimi məclis etmişik qaydalara riayət olunub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ